SJ News II - шаблон joomla Авто
تيكرز
كلاب حراسة!

شعر محمد عبد الجواد

 

فى ناس سئيلة ودنيئة

واخدة الحياة بالمقاولة

ولو كشفنا الحقيقة

ما ياخدوا فى ايدينا غلوة

الذل شوه وشوشهم

والسحت نافخ كروشهم

وبكرة لما يموتوا

 تكره تشوفهم نعوشهم

بالظلم بانيين عروش 

راسمين براءة الملايكة 

وارثين قساوة الوحوش

عاملين نجوم مش بكيفهم 

والقبح يفضح فى زيفهم 

واللى ما كناشى عارفهم 

هامسح له كل الروتوش

ولكل واحد محاولة

***********

عايشين حياتهم هنية 

وبيبيعونا فى وسية 

طول عمرهم ناس هفية

متمرمطين بالوراثة 

عايشين كما كلاب حراسة 

لأنهم ناس ردية

وبيبنوا للظلم دولة

********

الكلب بيهز ديله

والظلم بيهد حيله 

من ربنا اه يا ويله

بكرة اللى حطه يشيله

وموته ما تكون سوية

*********

اتخن ما فيهم عويل 

وتملى عايش ذليل 

لو شوفته قبل النضافة 

فشر حرامى الغسيل 

والحكم بعد المدولة 

******

مخبر ارارى بدفاتره

نكرة ولا حد فاكره

الذل عنده هواية 

خدام ويهوى الغواية 

نخاس فى حلبة رماية 

بيبيع حصانه وعساكره

ويقول دا اسيادى أولى

*********

تعامله تلقيه خسيس 

فاشل وفشله عويص

ولاعمره يوم كان حسيس 

لابس هدوم عتريس 

عايش فى دور العتاولة

*********

طول عمره مدمن اهانة 

وحياته دايما مهانة 

وجلده دا تخين تخانة 

خرتيت وفى الوحل عايش

 يشرب فى طين الندالة 

ولامرة شاف الكرامة 

ولا حتى حاول محاولة 

*********

عويل ومتفرعن 

بس البعيد ارعن

 عاملى فيها موسيقار 

والعزف كل نشاز 

وجوقة الافاقين 

ولا مرة بتسلطن

ولا قام لها دولة 

*********

طول عمره كان كداب

 عايش حياته عذاب 

خارج من السرداب 

بفكر كله ضباب

خايب الرجا لو عاب 

بيوقف ذليل ع الباب 

وحياته تبقى عذاب

هايف مالهوش قيمة

ولا يعملوا له حساب 

ولا كان فى يوم له صولة 

**********

المبدعين قلوا 

والمخبرين هلوا 

كلمة وهانقولها

نسيتوا رب الناس 

قفل لكو قلبكم 

بالضبة والترباس

عليتوا بالبهتان 

كبرتوا بالطغيان

ما فيكوا ولا انسان 

واشجع ما فيكو جبان

 وكبيركو واد هجاص

فاكر بدايته زمان 

عايش سنين حرمان 

مش لاقى حق مداس 

ولو كسب مرة 

يخسر له ١٠٠ جولة

About author

مدير الموقع

رأيك في الموضوع

تأكد من ادخال المعلومات في المناطق المشار إليها ب(*) . علامات HTML غير مسموحة

حكمة اليوم

الطقس

{"error": "Sorry this API is now retired and there is no alternative API that we can support. We greatly appreciated the opportunity to have served you in this space. Thankfully, there are many alternative weather APIs freely available for you to consider. While we cannot formally recommend one over others, we would recommend searching the web for %"free weather APIs%" to see several good options and find the best fit for you. If you have any comments or feedback you’d like to share, please feel free to reach out to us at: weather-ydn-api@verizonmedia.com"}

التقويم

« حزيران 2021 »
اثنين ثلاثاء الأربعاء خميس جمعة سبت الأحد
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

التاريخ والوقت الحالي

الثلاثاء، ۲۲ حزيران/يونيو ۲۰۲۱
الثلاثاء، ۰۱ تیر ۱۴۰۰
الثلاثاء، ۱۲ ذو القعدة ۱۴۴۲
Top
We use cookies to improve our website. By continuing to use this website, you are giving consent to cookies being used. More details…