كُتُبْ التاريخ اللى فـــــــ يَدْى
وحكاوى قالها زمــــــان جدى
بتقول يــــــــامصر إنك قادره
تتخطىِ كـُــــــــــل دا وِتْعَدْى
فوق التاريخ فوق كُتَّابُــــــــه
فوق اللى فى غَرامِكْ دابــــوا
فيه ربنا اللى بْكَرَمُــــــــــــــه
حَفَظِكْ وذَكَرِكْ فى كتابُــــــه
ذِكْرِكْ فى قُــــــــــــــرآن ربنا
معناه يــــــــاصابرَه يامؤمنَه
إنك ح تبقىِ وللأبــــــــــــــد
زاينـَــــــه العُصور والأزمِنــَـه
أرضِك وطـــــــــــــأها الأنبيا
حُضْنِكْ وطــــــــــــن للأوليا
ولما كـــــــــــان الكون ظلام
منك بَـــــــــــــــزَغْ أول ضيا
فوق المِحَــــــنْ عَدّى وفوتى
ومعاكى أنـــا بعزمى وصوتى
إنتى إتخلقتى عشان تِبْقــــى
أبـــــــــــداً لايُمكن ح تموتى
رَبِّـــــــــــكْ أراد ودى حِكْمِتُه
نبقى فـــــــــ رِباط فى مَحَبِتُه
وانتى فــ حِماه طول مالحياه
ع الأرض بـــــــــــاقيه بقُدرِتُه
سامى النويهى
