كلمات / محمد عبد الجواد
من النهاردة أنا هرضي نفسي
يا ناس غريبة ومُتعبة
واللي يزعل مني يزعل
راح زمان الطبطبة
خدتوا منا كل حاجة
كات جميلة وطيبة
شوفنا منكم إيه قولولي
يا خلق جاحدة ومرعبة
كنتو روحنا.. زعلنا روحنا
زاد قساكم فاتحرجنا
كنا فرحة لأي حد
بنراضيكم تتعبونا
وأنتو دمعة صحيح بجد
وبكلامكم تجرحونا
بنراضيكم من قلوبنا
بترازونا وتوجعونا
وشوش كئيبة متربة
النفوس مش سالكة خالص
واللي ناقص برضو ناقص
القلوب قفلت بيبانها
والسواد علم عليها
والأسى شقق حيطانها
والطمع بيهد فيها
قولي يلا يا واد يا بائس
خدت إيه من الشقلبة
مش فاضيلكم لما أفضى هأبقى أجيلكم
يلا باي من غير سلام
غدرتوا بينا جرحتوا فينا فشدوا حيلكم
ما أنتو أخرتكم كلام
كنتو عاملين نسر جارح.. مهر جامح
وإنتو مش ماسكين لجام
يا ناس خيبتها قريبة
