كلمات/ محمد عبد الجواد
أنا مش زعلان لكن ندمان
على حلم العمر اللي بيتهان
الغدر جبان بيقفل دايما كل بيبان
وأنت الغلطان .. علشان سيبتني ضاع العنوان
أنا مش زعلاااااااان
مش هسأل فيك ولا هأبكي عليك
دا أنت رميتني في بحور حرمان
وحياتي معاك جيت حولتها خزان أحزان
أنا مش زعلاااااااان
أنا كنت معاك ماشيين في طريق
وأنا قلبي كان ساذج وبريء
وأنت اللي قسيت وعليا جنيت
والروح تايهة والبحر غريق
كان نفسي ألاقي شط أمان
أنا مش زعلااااااااان
كان قربك مني بيسعدني
وأنت اللي اخترت تبعدني
ضاعت المراسيل وأنا قلبي عليل
كان أمله أنك تواعدني
أنا مش زعلاااااااان
حرمت خلاص.. حب بإخلاص
ما أنت بعتني ..شمت الناس
سهرت دمعتي جنب مخدتي
والقلب خلاص فقد الاحساس
أنا مش زعلان
لكن ندمان
وأنا عشت سنين.. بين شوق وحنين
عشمان تحضني بكل حنان
وتكون إنسان
