المحاور محمود درويش
♦️بما ان حضرتك من فريق العمل داخل ( مؤسسة طريق النجاح ) … ممكن تكلميني اكتر علي الانشطه والخدمات اللي تقوم بيها المؤسسه؟
في الحقيقه احب انتهز الفرصه واقدم كل الشكر والتقدير أ/ايمن عبدالله بشير المدير الفني والإداري لموسسة طريق النجاح علي كل الخدمات اللي تتميز بها المؤسسة من تقديم جلسات تشمل ( تخاطب وتنميه مهارات وتعديل سلوك وصعوبات تعلم واختبارات ومقاييس نفسية ) … واكتر شي مميز هو تقديم ورش عمل للاطفال …
ومن ضمن هذه الورش … ورشة ( المزرعه والفلاح ) اللي من خلالها عملنا دمج بين التعلم ومنهج منتسوري .
♦️ حابين نعرف اكتر يعني ايه منهج المنتسوري؟!
منهج المنتسوري هو نظام تعليمي متكامل له فلسفه خاصه به يومين بات الطفل بيتعلم افضل في بيئته اجتماعيه تدعم وتغذي أنماط التطور الخاصه بكل طفل .
♦️أزاي بتقدروا تطبقوا معادله التعليم وتثبيت المعلومه للاطفال بشكل شيق وممتع؟!
لما بتقدم للطفل المعلومه بطريقه خارجه عن المألوف …و بطريقه شيقه فيها سيكودراما … والأطفال تقوم بتجسيد الشخصية بنفسها وتعيش تفاصيلها ..كل ده بيوصل المعلومه اكتر واسرع للطفل .
♦️انا شوفت صور ورشة ( المزرعه والفلاح ) ممكن تكلميني اكتر عن هدف الورشه ؟!
هدفنا كان أن الطفل يتعرف علي مهنه الفلاح …..يعرف القلاح ايه هو لبسه …ايه هي أدواته اللي بيستخدمها …
يتعرفوا كمان علي حيوانات المزرعه ويعني ايه حيوانات اليفة … كمان يعرفوا احنا بناخد ايه أو بنستخرج ايه من الحيوانات
زي البقره ….اللبن
الفرخه….البيض
وكمان يعرفوا أزاي بيخبزوا العيش … و يقعدوا علي طبليه و ياكلوا …
بصراحه كان يوم مميز والولاد انبسطوا جدا
♦️اكيد يوم زي كده تجهيزاته بتكون صعبه علشان تفاصيله كتيره ؟
عندك حق اليوم فعلا في تفاصيل كتيره …. لكن لما تكون تحت رعايه مدير فني مسئول …و قادر يدير فريق العمل كله بحب واحتواء ونجاح اكيد احنا كفريق كل واحد بيطلع اجمل ما فيه من ابداع …
♦️هل في ورش تاني بتقدمها المؤسسه للااطفال؟وهل تناسب جميع الاعمار ولا فئه معينه؟
أ/ايمن عبدالله علي طول حريص مع فريق العمل علي تقديم ورش للأطفال والمراهقين
وقدمنا بالفعل
👈ورشه اداره الغضب مع الاخصائي النفسي للموسسة أ/رافت فايز .
👈ورشه التخيل ….مع الاخصائية النفسية و اخصائية التخاطب أ/مارينا عزيز
👈ورشه تنمية التفكير عند الاطفال …مع اخصائية التخاطب أ/مني الشعراوي .
👈ورشه تعليم الاطفال الساعه و النقود مع اخصائية صعوبات التعلم أ/نسرين ايمن .
👈ورشه التربية الجنسية للاطفال مع اخصائية التخاطب و الصحة النفسية أ/ماري رمسيس .
👈 بالاضافة لورش اخري عن الحدود و الثقة بالنفس عند الاطفال و غيرها …
وطبعا كل ده بتنسيق مع المدير الإداري للمؤسسة أ . جيرمين جرجس . والمدير الفني أ. ايمن عبدالله .
