كتبت / ماري رمسيس نشأت
♦️ليه الأسرة بتخاف و تتوتر لو لقيت ابنها بيسال عن كلمه جنس ؟
الحقيقه الاسر بتتوتر لأنها عندها افكار مشوهه ومغلوطه اتجاه كلمه جنس نتيجه أننا كلنا استلمنا المفهوم ده بشكل خطاء علشان كده لازم الأهل يعملوا فلتره عن المفاهيم الخاطئه
علشان اقدر اوصل اولادي أن يكون عندهم اتجاه صحي ناحيه الجنس
♦️يعني ايه جنس …واذاي اقدر اوصل المفهوم ده للطفل ؟
اول مفهوم لازم اعرفه للطفل جنس يعني نوع (ذكر او انثى)وبرسخ عنده المفهوم من قصه الخليقه ادم وحواء الله مش يخلق حاجه غير ويكون ليه قصد فيها ربنا قاصد يخلق ولد وبنت مخلقش نوع تاااالت ومن هنا بعمل حصانه المثلية الجنسيه
ثاني مفهوم بوصله للطفل هو مفهوم العلاقه الجنسيه السويه المقدسه اللي بتكون داخل ايطار الزواج
هدفي أن الطفل ميكنش مشمئز من فكره العلاقه لما يكبر علشان وصلت ليه المعلومه بطريقه غلط
ولا أنه يفكر في العلاقه خارج ايطار الزواج
♦️هو معقول ابني الصغير اللي أقل من ٦سنين هيكون فاهم كلامي واذاي ابدء معاه؟
هنبدء بمعلومه للطفل لأن ٩٠/من المعلومات اللي احنا بنتعلمها في مرحله اول ٣سنين في حياه الطفل
علشان كده من وهو صغير بنقول مينفعش اغير للطفل قدام اخوه البامبرز مثلا او مينفعش اسمع أن ابني يكون بياخد شاور مع بابا أو ماما واقول أصله لسه صغير مش فاهم ….لا طبعا لاني من هنا مخ الطفل بيترجمها أن انا جسمي مباح ومتاح عادي جدا ……اول ٦سنين من عمر الطفل هو ماشي يسجل كل موقف شافه علشان كده مهم جدا اخد بالي من مبدء الخصوصيه
♦️هل التربيه الجنسيه ليها سن معين؟
التربيه الجنسيه من اول الولاده لحد مايتجوز لأننا متفقين أنها تربيه نفسيه
♦️اهالي كتير بتسال هو مش انا كده ممكن افتح عنين الاولاد لو اتكلمت معاهم في تربيه الجنسيه؟
هو بصراحه السوال ده مينفعش بتسال خصوصا في الوقت الحالي وسط العالم المباح ومتاح وكل حاجه فيه مكشوفه هل احنا عايزين الولاد يفضلوا مش عندهم معلومات يحصنه بيها نفسهم…احنا بتقدم مناعه للطفل يعني بخلي الطفل لوحده هو اللي يحكم علي الموقف هو اللي يرفض اي تصرف غير مقبول أو يقفل اي فديوا مش مناسب حد ممكن يعرضوا عليه
♦️اذاي اتفادي مشكله الهويه الجنسيه؟
الهويه الجنسيه الطفل بيتعلمها في أول ٦سنين من عمره
مهم جدا الولد نوصله انت ولد ذي بابا وانتي بنت ذي ماما
علشان كده بابا لازم يكون قدوه لاابنه وماما تكون قدوه لبنتها والعكس كمان
*الهويه الجنسيه كمان هي اللي بتخليني اقول انا ولد مش هلبس توك ولا احط منكير أو ميكب لما اكبر هشتغل ذي بابا
*الهويه الجنسيه أساسها من اول ٣سنين لاكن بتكلمل لحد ٦سنين
**نخلي بالنا أن مشاكل خلل الهويه الجنسيه بيكون بذوره من ٦/٣سنين يعني بتحصل مشكله نتنجت عنه في الكبر مشكله الهويه الجنسيه
علشان كده لو بابا مسافر لازم يكون للطفل قدوه للطفل مثل ذكوري ذي خالوا أو عموا
♦️ايه المعلومات اللي ممكن ابدء بيها مع الطفل قبل ٦سنين بما انك بتقولي دي اكتر مرحله الطفل فيها بيكتسب معلومات ويخزنها؟
١/لازم اعرف الطفل الوعي بالجسد…ومهم جدا أن أقول لاطفال اسماء الاعضاء ووظيفتها
٢/احترام الجسد وابدء افهم الطفل أن جسده متقسم الي ٣اجزاء …..وهبدء اشرحها
٣/اعرافه اذاي يتصرف لو حد قرب منه أو اتعرض لااي اذاء جسدي
٤/ ببدء اقدم المعلومه للطفل بشكل صح وبطريقه بسيطه تناسب عمر الطفل لازم اسد شغف الطفل للااسئله
