شعر / محمد عبد الجواد
زمان كنا صحيح احباب
وكنت انت لقلبى الباب
تعبت كتير.. من المشاوير
لكن طلع الأمل كداب
بشوفك انسى اى عذاب
واسامحك حتى لو كداب
وباستناك تدق الباب
ويا خسارة طلعت سراب
انا صابر وبتحمل
وحملك زاد وبتحمل
ولما البعد جرحنى
انا قلبى دخل سرداب
طربقك شوك وكملته
رويت الشوك وكبرته
وانا بازرع جبال الصبر
فتطرح لى مطر وسحاب
عشقتك ايوه وهويتك
وكبرتك على قلبى وحبيتك
وصدقتك ودلعتك ولا نسيتك
وفى الاخر طلعت ضباب
خلاص الهجر دوبنى
وطول الصبر عذبنى
ومتعود معاك ع الصد
هننقفل يلا اى عتاب
وننسى قسوة الاحباب
ولو سألونا يوم عنهم
نقول راحوا وشبعوا غياب
لأن العمر ضيعته
وكان قلبى بدون أبواب
