شعر /محمد عبد الجواد
باسجل حضورك
فى وقت الغياب
ويظهر لى نورك
وانسى العذاب
فى لحظة ظهورك
تتوه المشاعر
وشوقى يسافر
لفوق السحاب
وتيجى ابتسامتك
تطبطب عليا
وقلبى اللى حبك
بينسى الاسية
ولو ضعت منى
مشاعرى تخاصمنى
ولحظة غيابك
احس انى عايشة
فى هجر وسراب
ورغم الغياب
انا قلبى شايفك
وحاضن ملامحك
بداوى فى حرجك
والملم فى فرحك
وساعة غيابك
بتنزل دموعى
وترسم ملامحك
وتكتب قصايد
تفوق المعانى
تلحن اغانى
يا عمرى اللى ضايع
فى كشف الحساب
