شعر / محمد عبد الجواد
الدنيا سيرك كبير
منصوب داخل غابة
فيه البشر أصناف
ادخل ونقي يا خال
فيه اللي عاشوا أسود
ولا مرة طاطوا الراس
فيه اللي كانوا أرانب
تحت المداس تنداس
وفيه تعالب مصايب
مكر بلا إحساس
وفيه كمان الديابة
طماعة قلابة
نهشت قلوب الناس
طلعوا عصابة يا أبا
ولا حسوا على دمهم
دول خلق نصابة
بلياتشو من غير عقل
عاملي فيها كبير
الجسم جسم بغال
والمخ كالعصافير
جر البهايم وراه
وقال أنا قائد
وقع الجميع في البير
لعنوا الحمار الاجرب
ومن سوء التقدير
ما في حد بيقرب
ما تغور بقى اللمة
لو لمة كدابة
وفركشوا الصحبة
لو صحبة قلابة
الغدر كان طبعهم
ولامرة أقاموا راية
هاينين قوي ع الناس
من ذلهم خابوا
هي الحياة بتدوم
مع خلق هرابة
العرض كان مبهر
والكل مسمتع
الناس بتضحك قوى
وعيونها بتدمع
من كترة التمثيل
ملقوش واحد يسمع
قام الجميع وانصرف
واتحول المسرح
لمتاهة وخرابة
