لو الإنسان كائن مخلوق بشكل مستقل ومختلف عن باقي الحيوانات ممكن نفكر سوا بشكل نقدي في عدد من الأسئلة:
* ليه خلايا جسم الإنسان خلايا حيوانية ؟! مش كان الأفضل طالما هو مختلف ولم يتطور من أي حيوان تكون خلايا جسمه مميزة ومختلفة عن تركيب الخلايا الحيوانية والنباتية والبكتيرية ؟!
* ليه تركيبه التشريحي يتشابه بقوة مع القردة والفئران ثم باقي الثدييات ؟!
* ليه موجود في جسمه نفس البروتينات والهرمونات الموجودة بالحيوانات ؟!
* ليه بيمتلك نسبة كبيرة من نفس الجينات ونفس ترتيبها وتوارث نفس بصمات الإصابات الفيروسية القديمة في نفس الجينات مع بعض القردة العليا ؟!
* ليه بيرضع ويلد زي باقي الثدييات ؟!
* ليه بيعمل نفس العمليات البيولوجية من تنفس واخراج وتكاثر زي باقي الثدييات ؟!
كل واحد يسأل نفسه: لو في خيالك كائن مميز وارتقي علي الجميع , ليه يبقي مشترك مع باقي الكائنات في كل الصفات دي وغيرها ؟!
وليه يتشابه اكتر مع مجموعة بعينها زي الثدييات؟ وبدرجة أكبر كتير مع القردة العليا؟
فكروا ………
نقلا عن صفحة
#ربنا_يطورنا_كلنا
ج.م
