Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

الأربعاء, 21 تشرين1/أكتوير 2020 12:44

عتاب العاشقين !

كتبه 

 

 

شعر / محمد عبد الجواد

 

أنا الفلاح هنا فى أرضك 

وأنا الجندى على حدودك 

أنا اللى عشت يوم سعدك 

وأنا اللى لبست من طينك 

أنا السبحة فى إيد شيخك 

وأنا اللى حفظت قرآنك وانجيلك

أنا اللى تعبت فى حبك 

وأنا اللى شقيت فى بساتينك 

أنا اللى مت فى الغربة 

ودمعى شاب فى منديلك 

أنا اللى سكت من خوفى 

وأنا اللى قيدت قنديلك 

أنا اللى توهت من زيفى 

وداب دمى فى ماء نيلك 

أنا اللى هتفت فى الميادين 

وأنا اللى هدنى طيشك 

أنا اتحملت مر سنين 

وعشت جراب عشان سيفك 

أنا اللى دوقت ياما انين 

وعمرى ما عبت فى جيشك 

أنا في حبك لامونى الناس 

ولا مرة أنا نسيتك 

بلاش القسوة ويايا 

دا أنا درعك وأنا سيفك 

وعمرى رهنته لحسابك 

وعشت العمر خدامك 

وعمرى ما طلبت المال

وعندى ليكى ألف سؤال 

يا بلدى انت ليه قاسية 

ودمى اتصفى قدامك 

ومتوصية بالاندال 

وجاية ليه على ولادك 

فى وقت الشدة يا بلدى 

هنبقى سلاح وهنزيدك 

تهون العشرة ما تهونى 

يخون الناس ولا تخونى 

زرعتك جوه قلبى خضار 

طلع تينى وزيتونى

وطرحه زاد على إيدك 

أنا اللى تعبت فى هواكى 

وعمرى عشته أنا باكى 

وحظى معاكى كان لحظة 

بتشرق بدر فى سماكى 

وتضوى نجومه فى ليلك 

ضاقت بيا الأماكن 

والحب فى قلبى ساكن 

لكن الجرح ماكن 

قلبى مجروح ولكن 

عاشق طينك ونيلك 

المولى ليكى حارس 

وولادك جيش فوارس 

مهما تيجى لك كوارث

بحرك فيه النوارس 

ترفع راية دليلك 

تعبان من حبك انتى 

ولهان فى حبك انتى 

دا انتى شراعى وسفينتى 

وانت شعرى وربابتى 

تنادى عليا مرة 

أحضر زاحف وأجيلك 

قلبى فيه 100 حكاية 

منه شرارة البداية 

وفيه كل النهاية 

يا بدايتى ومنتهايا 

دا انا عابر سبيلك 

حبك ساكن فى قلبى 

والعشق معاه لعب بى 

لو اتوه عنك فى يوم 

معاكى بلاقى دربى 

مرسوم فوق نور جبينك 

ما أقدرش أحب غيرك 

ولا عمرى نكرت خيرك 

ومصيرى ربطته بيكى 

علشان يكون مصيرك 

وهأعيش رغم المشاكل 

شمعة فى قنديلك 

هاأعيش انا وانت 

يااللى فى قلبى سكنتى 

يا شراع ماسك سفينتى 

والبحر موجه عالى 

ولأخر يوم فى عمرى 

مكتوب لى أغنيلك

وسائط

المزيد من الاخبار

الأربعاء, ۲۵ تشرين۲/نوفمبر ۲۰۲۰
الأربعاء, ۰۹ ربيع الثاني ۱۴۴۲