Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

الخميس, 05 آذار/مارس 2020 14:07

مهرجان كورونا

كتبه 

 

شعر / محمد عبد الجواد

 

عود القصب ممصوص

سارح فى قلبه السوس

وكورونا عاش مهووس

حاضن البشر بببوس

هم البشر قلة

كل الصحاب خانوا

على اصلهم بانوا

لو قلنا او قالوا

فى الشدة بيبانوا

طلعوا خلاص علة

الجسم متفيرس

والعقل ببهيس

اعقل واحد فيهم

سارح وبيهجص

ولا لهم ملة

القلب بات موجوع

والعين مليها دموع

وما عدشى فيها رجوع

 والكل صار مسروع

وماسك لى على زلة

الصراحة صارت جراحة

أما البجاحة فبقت فواحة

حرجك بيوجعنى

فاجرحنى بالراحة

وبلاش بقى  غلة

كل العالم مفزوع

وبيتقتل بالجوع

بس اللى عاش موجوع

غارق فى بحر دموع

وبيتخنق والله

الزعما بيخافوا

والعلما ولاشافوا

علاج يكون شافى

وكورونا على كيفو

طايح ولا هموا

كل الدول خافت

والحجر بقى لافت

والناس كمان شافت

اللعب على أصله

والخوف بقى علة

كمامات مهيش نافعة

أمصال ولا شافعة

وملاعب الكورة

صارت كمان قافلة

وحياة صارت مملة

الكل عامل خبير

يفتى ولا يهمه

أساتذة فى التحوير

والفيس كحبل غسيل

مين اللى هيلمه

يا ناس كفاية حرام

عيونا مش بتنام

والخوف كأنه كابوس

ماشى فى ايده فانوس

ما نور الضلمة

العمر بقى واحد

والرب بقى واحد

ما توحد الواحد

وتمجد الماجد

رب العباد هو

آخر تعديل على الخميس, 05 آذار/مارس 2020 14:11

وسائط

المزيد من الاخبار

الأحد, ۰۵ نيسان/أبريل ۲۰۲۰
الأحد, ۱۱ شعبان ۱۴۴۱