Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

الثلاثاء, 09 نيسان/أبريل 2019 08:27

اخيراً عـرفتيني

كتبه 

 

------

 

اخيــراً عــرفتينـــي

ما أنا كان من دمعـــي

بتشـــرق شمســـك 

وفى ضحكـــي 

بتغـــرب جــراحــــك

ماســك في آذان العشـــا

بصــــــرخ ......

لغايـــة الفجــر ما نام

على سيــرتـــك

طفل بيرضع نــواحـك

ونـيـلك

عطشـــان بيشــرب

من دم الشهـــدا

نـــور ضلامـــك

اخيــــرا عــرفتينــي

ياما هـــزيــت

جـــزوع السمـــا

ورسمت ع الفضـــا

مــلامحــك

انا إبنك اللي باقي

ف قـــرأنك وانجيلك

وطــرحــك....

طرحك اللي سقيناه سوا

من دعـا الفلاحيـــن

وغنـــوة العمــــال

ف شقـا فـرحـــك

اخيـــرا عــرفتينــي

و إزاي

ما أخدتـيــش بالـــك

وأنا قاعــــد

جنب العصــــاري

بتغنى بجمــــالك

وأوصف لحبيبتي 

حسنـــــك

وكيــف كنا

نحضـن ســوا بــلادك

نآكل تمر الـــواحـــات

في الشـــروق

ونتغـــدى

على ريحــة البحــر

ف اسكندرية

والمـــوج يداعب

دلالـــك

إزاي 

ما أخدتيـــش بالك

وأنا بجري ف عــروقك

من سيـــوة لأســـوان

للــدلتــا 

ولأخــر شمــالك

ف الســــويس

كنت جنـــدك

وف العــــريش

كنت احتمــــالك

اخيـــرا عــرفتينــي

شــوفتينـــي

وانا ببنــي

بشجــر النـــــور 

حــــدودك

وببني بنجم الليــــل

اشتيــــاقك

يا مصر يا مصر

أوعــاكي تنسيني

وتنسي رجــــالك

اللي شقــــوا 

بدم الـــروح جبالك

واللي قطفـــوا

الخـــوف من رحـــالك

واللي صانــوا العهــد

ساعة اغتـــرابك

واللي غـنــوا

في شــــوارعك

غـنـــــــوة 

المــوت والحيــاه

لأجل تفضل بسمتك

فوق الوشوش عنوانك

اخيرا عرفتيني

اخيرا عرفتيني

******

شعر/ عبد الناصر السمطي

شارك الموضوع مع اصدقائك

Submit to DeliciousSubmit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn

وسائط

المزيد من الاخبار

الثلاثاء, ۱۸ حزيران/يونيو ۲۰۱۹
الثلاثاء, ۱۴ شوال ۱۴۴۰