Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

الجمعة, 05 نيسان/أبريل 2019 08:03

إنت مين

كتبه 

إنت مين

 

وانت ع الارض واقع

انت مين..؟

متكونش واثق قوي

إن اديك راح تسندك 

علشان تقوم

وان القلوب 

راح ينكشفلك سترها

لو جيت عملت عليها زوم

لا انت مكشوف عنك حجاب

ولا انت متعهد يقين

إنت مين..؟

الدنيا فتحة صدرها

لكن مقفوله عليك 

م الاربع جهات

هيهااات.!!

لكل وجهه ف الثبات 

علامات 

مش كل وهم ولو كبر

لازم يدوم

للاسف مسكين مهزوم 

بالكبر.... 

موهوم بالانتصار

مش كل صامت ضعيف

احيانا بعد الصمت بركان

تتفاجأ بلون مخيف 

ماكان ابدا بالحسبان

الشمس بجبروت ضيها 

بتختفي بحبة غيوم

والبحر على قد اتساعه

ممكن تعديه قشه عوم

كتر النفخ ف الاشياء

بينتهي بقطعة نفس

وساعة الفزع ...

هيقع

من جيبك الادرنالين

محتاج نيلين

يبللو حلقك الناشف

محتاج حيلين

فوق حيلك المهزوز

وانت بتغوص ف الرمال

الكل مش هيقفوا يتفرجوا

لما الوجع يفوق الاحتمال

محتاج تواضع وانحناء لله

القلب هيبقه شكله اجمل

وهو خالي من ادمان قولة 

أنا....

تاني فخ ف الحياه إتعَلِمُه

قوللي ازاي..؟

لما تلاقى خط الدم

ع الأسفلت أخره ضهرك 

والكل رامي التهمه على طهرك

 

فلتسقط جمهورية السؤال

سجل ياقلبي أساميهم ف الدفاتر 

واكتب العنوان شمال

دلوقت انسب وقت لل format)

الشمس بتطلع وهي متضايقه

الذكريات الوان عبط

على بعض مش لايقه

الخمره اللي اسمها خمره

فاقدة الخواص

تحسها فايقه..!!!

معرفش مغفل مين اللي قال 

لكل قاعده شواذ

الشواذ هو القاعده

في ناس بتتفسح ف الحرب

وناس تانيه بتموت وهي قاعده

وناس سميتهم وطن 

وطلعو شوية عيال 

سجل ياقلبي أساميهم ف الدفاتر 

واكتب العنوان شمال

امته يجمعنا صحن

ليه اللمسه واللحن

بقت صوابع (انا) 

ومسحت كرامة ( نحن )

ليه اليقين جواك

خاير وفاصل شحن 

لكن قومتك والفيلم 

لسه منتهاش

يتقال لها عاش

الليل اللي ييجي

ف عز الليل 

ده يبقي ما جاش

بس متنساش 

وانت بتخرج من شرنقتك 

حط خطوط 

الحقيقه الوحيده ف الحياه

هي الموت

خد لحظه سكوت 

وان شفت الذكرى

بتطرح جواك أي سؤال 

سجل إسمها ف الدفاتر 

واكتب العنوان شمال

وجيه عبد العزيز

شارك الموضوع مع اصدقائك

Submit to DeliciousSubmit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn
آخر تعديل على الجمعة, 05 نيسان/أبريل 2019 08:06

وسائط

المزيد من الاخبار

الجمعة, ۱۹ نيسان/أبريل ۲۰۱۹
الجمعة, ۱۳ شعبان ۱۴۴۰