Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

السبت, 23 آذار/مارس 2019 09:04

انا اسف

كتبه 

 

شعر /محمد عبد الجواد 

 

انا أسف .. 

وطول العمر ها اتأسف 

على عمرى اللى ضاع منى 

وايامى اللى ساجننى 

وياما قلوب عطيتها كثير 

وعاشوا هم حارمنى 

انا قربت من قلبك 

وعشت أسير عشان حبك 

لكن هو هرب منى                                                       وكان عارف 

فأنا اسف                                                                       يا نور عينى

رسمتك حلم أيامى 

وكنتى كل أحلامى

ونور الصبح لو كان مرة بيتنفس 

بيجى يهل فى منامى

كنت لما باحكى شوقى 

الهوى يجرى فى عروقى 

كنت لما اكتب قصيدة 

تقولى الله ..                                                               كلام الحب متفلسف 

وكان قلبك يقول الاه 

احس انه متكلف ومتأفف

فأنا أسف

لما كان الخوف مالينى 

كنتى تيجي  وتحتوينى 

ولما كان الشوق كاوينى 

كنت نور عينى وحنينى 

الدموع هاجرت شطوطها 

والرموش عاشت شحوطها 

ومهما ابعد كنت أقرب 

مهما اشرق او اغرب 

كنت اشوف الناس غريبة 

اللى شارى واللى بايع

كنت الاقى الحب اقرب

كنت ادوب من لمس ايدك 

كنت أعيش نبض فى وريدك 

لما تيجى وتشترينى

لما ضاق الحال عليا 

والزمن قام هد فيا 

الضغوط زادت عليكى

غيروكى الناس عليا 

فجاة حلمى صار كابوس

والحنين مات فى النفوس 

والجميع قالوا الفلوس 

تشتريكى وتبعينى

قلت اهاجر او اسافر 

وفى بلاد الله أعافر 

يمكن انسى .. يمكن أقسى

واكتشفت شئ غريب

 ان شوق البعد كافر 

وانتى قلبك بيداوينى 

لما حان وقت الرجوع 

قلبى كان رافض الخضوع 

بس لما الحب هزه 

قام رقص بين الضلوع 

قام كتب شعر فى عيونك 

ففضحتنى دواوينى 

وجيت مليان .. بجيب دفيان 

وقلت يارب الاقيكى على عهدى 

اتاريكى .. كفرت بالحياة بعدى 

وسلمتى على طيفى فى ليل بعدى 

وودعتى حكاياتى .. ومزقتى روايتى 

نسيتى كل اشعارى .. سرقتى كل افكارى

شربتى الشهد بمرارى 

وانا فى الغربة مش دارى 

بأنك يوم قتلتينى 

ودلوقتى بتترجينى انى انسى اللى كان منك 

ونرجع بالزمن تانى لوقت العشق 

وانا اللى شربت فى الغربة عصير مرك 

وقلبى ده اللى ضاع منك كأنه اتشق 

وعمرى شاب عشان الاحباب 

ما صانوا لقلبنا عشرة 

وانا ابصم وبالعشرة 

اوانك أن تفارقينى 

وجه دورى عشان أقدر اخد تارى 

فأنا اللى بجد متأسف 

ها اكمل عمرى متعفف 

انا اسف

عملت القلب ساحة عشق

وكان قلبك حزام ناسف

فأنا اسف

شارك الموضوع مع اصدقائك

Submit to DeliciousSubmit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn

وسائط

المزيد من الاخبار

الخميس, ۲۰ حزيران/يونيو ۲۰۱۹
الخميس, ۱۶ شوال ۱۴۴۰